O noso planeta acadou en 2011 a cifra de 7.000 millóns de seres humanos. Aínda nun momento como o actual onde un gran número de compatriotas está a pasar importantes apuros económicos, en ocasións non somos conscientes da nosa "privilexiada" situación no mundo.
Miniature-earth recolle unha serie de datos nos que se trata de mostrar como sería o mundo se en vez de por 7.000 millóns de almas estivese poboado só por 100 persoas. Os resultados deberían de chamar á reflexión posto que se o mundo fose realmente unha aldea a situación de gran inxustiza social non sería posíbel ben porque afloraría a solidariedade entre os poboadores da aldea ou ben porque o estalido social sería dificilmente evitábel.
Se o mundo fose unha aldea de 100 persoas:
- 61 serían asíaticos, 12 europeos, 8 norteamericanos, 5 suramericanos e caribeños, 13 africanos e 1 de Oceanía.
- 50 mulleres e 50 homes.
- 47 viven nunha área urbana.
- 9 son discapacitados.
- 33 son cristiáns, 18 musulmáns, 14 hinduístas, 16 non relixiosos, 6 budistas e 13 practican outras relixións.
- 43 viven sen sanidade básica e 18 sen unha fonte de auga potábel.
- 6 persoas posúen o 59% da riqueza da comunidade.
- 13 están famentos ou desnutridos.
- 14 non saben ler.
- Só 7 teñen unha educación de nivel medio.
- Só 12 teñen unha computadora.
- Só 3 posúen unha conexión a internet.
- 1 adulto de entre 15-49 anos ten o VIH.
- A aldea gasta 1,12 billóns de dólares en gastos militares e só 100.000 millóns en axudas ao desenvolvemento.
- Se tes comida no teu refrixerador e roupa no teu roupeiro, se tes unha cama para dormir e se tes un teito sobre a túa cabeza, eres máis rico que o 75% da poboación.
- Se tes unha conta bancaria eres unha das 30 persoas máis ricas do mundo.
- 18 loitan por sobrevivir con 1 dólar ao día ou menos, 52 loitan por sobrevivir con 2 dólares ao día ou menos.
